Donostiako suhiltzaileen egutegi solidarioaren aurkezpenak interes handia piztu zuen
05/11/2008 -
Donostiako suhiltzaileek komunikabide asko erakarri zituzten beren 2009ko egutegi solidarioaren aurkezpenera. 2004ean beste ekimen batengatik egin zuten moduan, biluzik ageri dira suhiltzaileak egutegiak biltzen dituen argazkietan, eta lortutako diruarekin Kupu Kupu gobernuz kanpoko erakundeak Balin (Indonesia) martxan jarri nahi dituen hainbat proiektu bultzatu nahi dituzte. Helburua da ezintasun fisikoa edota psikikoa duten pertsonen bizi kalitatea hobetzea, han ez baitzaie inongo arretarik eskaintzen.
Infotresek ere ekimenarekin bat egin nahi izan du horren hedapenari lagunduz. Txosten bat prestatu eta komunikabideei bidaltzea izan da gure lana.
