I. Eguneroko Bizitzako Zerbitzuen Azokak arrakasta handia izan zuen
05/02/2008 -
Infotresek 2007an aurrera eraman duen lan garrantzitsuenetarikoa da Irunen azaroaren 10ean egindako I. Eguneroko Bizitzako Zerbitzuen Azoka. Arrakasta handia izan zuen ekitaldiak, jende ugari hurbildu baitzen Zabaltze plazan ezarri zen karpan parte hartu zuten enpresen zerbitzuak ezagutzera. Bidasoan aipatutako sektorean lan egiten duten enpresen berri ematea zen, hain zuzen, azokaren xede nagusia eta standak zein tailerrak egon ziren horretarako. Horrez gain, haurrentzako jolas anitzak antolatu ziren ekimenaren gertutasuna eta familiarteko izaera indartzeko.
Infotresen ardura izan da guztia antolatzea, Bebevientos enpresarekin elkarlanean. Beraz, giza baliabideak zein teknikoak kontratatu, azokaren irudia diseinatu (hau da, komunikazio elementu guztiak egin: liburuxkak, kartelak, logotipoak…) eta ekitaldia ezagun egin dugu komunikabideen bitarteko hedapena ziurtatuz.
